ଜୀବନ ସଙ୍ଗୀତ

ମୋର ସକଳ ଗର୍ବ ଚୂର୍ଣ୍ଣ କରିଛ, ସବୁ ତ ନେଇଛ ଛଡ଼ାଇ,
ଆଶାର ତୁଙ୍ଗ ଶିଖରୁ ଖସାଇ ଧୂଳିରେ ଦେଇଛ ଗଡ଼ାଇ,
ସବୁଥିରୁ କରି ନିଃସ୍ବ
ଶିଖାଇ ଦେଇଛ ଆପଣାର ବୋଲି
ମଣିବାକୁ ସାରା ବିଶ୍ବ;
ଅଭାଗା ହାତରେ ଅମୂଲ୍ୟ ସମ୍ପଦ ଆପେ ଦେଇଅଛ ବଢ଼ାଇ |

ଏ କି ପ୍ରେମ, ଏ କି ଛଳନା,
ଏ କି ପରିହାସ ଅବା କଉତୁକ
କରି ନ ପାରିଲି କଳନା;
ସେଥିପାଇଁ ଯେବେ ଏତେ ଅନୁରାଗ
ମିଳିଲା ନାହିଁ କି ଆଉ କିଛି ବାଗ,
(ଏଣେ) ଛୁତି ଛଡ଼ା ହୋଇ ନାଟ ଦେଖୁଅଛ
(ତେଣେ) ଲଗାଇ ଦେଇଛ ଲଢ଼ାଇ |

କାନ୍ତକବି ଲକ୍ଷ୍ମୀକାନ୍ତ ମହାପାତ୍ର

କାନ୍ତକବି ଲକ୍ଷ୍ମୀକାନ୍ତ ମହାପାତ୍ର (୯ ଡିସେମ୍ବର ୧୮୮୮- ୨୪ ଫେବୃଆରୀ ୧୯୫୩) ଜଣେ ବିଖ୍ୟାତ କବି ଥିଲେ । ସେ ଓଡ଼ିଶାର ଭଦ୍ରକ ଜିଲ୍ଲାରେ ଜନ୍ମ ନେଇଥିଲେ । ଓଡ଼ିଶାର ରାଜ୍ୟ ଗାନ ବନ୍ଦେ ଉତ୍କଳ ଜନନୀ ତାଙ୍କର ଏକ ବିରଳ କୃତି । ଲକ୍ଷ୍ମୀକାନ୍ତ ମହାପାତ୍ରଙ୍କ ରଚନାରେ ଦେଶ ଓ ଜାତିପ୍ରେମର ଝଲକ ଦେଖିବାକୁ ମିଳିଥାଏ । ସେ ପ୍ରାୟ ଶହେରୁ ଊର୍ଦ୍ଧ୍ଵ ଭକ୍ତି କବିତା ରଚନା କରିଥିଲେ । ତାଙ୍କର ରଚିତ କବିତା ମଧ୍ୟରୁ କିଛି ଜଣାଶୁଣା କବିତା ହେଲା: ବନ୍ଦେ ଉତ୍କଳ ଜନନୀ ପ୍ରଳୟ ଦୁନ୍ଦୁଭି ଉନ୍ମାଦ ଆର୍ଯ୍ୟ ବାହିନୀ ବିଜୟବନ ଜାତୀୟ ପତାକା ସମର ସଙ୍ଗୀତ ଏ ଦେଶ ସେ ତାଙ୍କର ଅସମ୍ପୂର୍ଣ୍ଣ ଉପନ୍ୟାସ 'କଣାମାମୁଁ' ଓ କ୍ଷୁଦ୍ରଗଳ୍ପ 'ବୁଢା ଶଙ୍ଖାରୀ' ପାଇଁ ଓଡ଼ିଶାର ଘରେ ଘରେ ପରିଚିତ ।

You may also like...